Æfingin er einkum hugsuð fyrir þau ykkar sem eru í almennu framhaldsnámskeiðunum (þ.e. ekki íþróttahópinn, hann á að hvíla sig á sunnudögum!), ef þið viljið bæta við fjórðu æfingu vikunnar eða bæta ykkur upp æfingu sem þið misstuð af í vikunni á undan. Æfingin verður með hefðbundnu sniði (ólíkt laugardagsæfingunum sem gera meiri kröfur um sjálfstæði í upphitun og slíku) þ.e. upphitun og gott wodd, en sérstök áhersla lögð á að taka langar og góðar teygjur á eftir. Því viljum við ekki lofa því að æfingin verði aðeins 60 mín, en lofum því aftur á móti að ykkur mun líða afskaplega vel á eftir. Ef þessu verður vel tekið og mæting góð verður þessi æfing að sjálfsögðu til frambúðar.
